رمضان 4

المعلومة رقم 3 

كتير مننا قبل رمضان عمل شير ونزل بوستات ومن قبل رمضان بأشهر كمان بوست بيتكلم عن النية فا منهم إلي قال " اللّٰهم إني نويت صيام رمضان إيماناً واحتسابا فإن توفيتني قبل قدومه فاكتبني من الصائمين " 

ومنهم كتب ليلة رمضان اللّٰهم إني نويت صيام رمضان إيماناً واحتسابا لوجهك الكريم 

وهكذا إلى باقي الأدعية وغيرها 

لكن مهم أوي نعرف إن النية محلها القلب وإنها غير لفظية وغير منطوقة 

يعني إيه الكلام ده 

يعني مينفعش أنوي حاجة للّٰه وأقولها بلساني 

يعني انا داخل أتوضى الوضوء يلزمه نية مينفعش أقول بصوت ولا بلساني إني هتوضى لا قلبي هو عارف إني داخل أتوضى 

طب انا داخل أصلي الظهر ولا العصر مش لازم أقول ده بردو لا قلبي وهو مقبل على الصلاة عارف هو هيصلي أنهي فريضة فيهم فريضة الظهر أم العصر 

وهكذا في كل حاجة 

انا هصوم رمضان ونويت أصوم فا قلبي عارف ونوى للّٰه الصيام لكن لا في دعاء محدد ولا كلام المفروض أقوله عشان أبقى كده نويت 

#كل_يوم_معلومة_رمضان

#كريمة