رمضان 10

معلومة النهاردة 9 

خلونا نعرف إيه هي أول سورة أو أول سور نزلت في القرآن الكريم 

أول سورة نزلت في القرآن الكريم :

1.أصح الأقوال أن أول ما أُنزل هو قوله تعالى 

" ٱقۡرَأۡ بِٱسۡمِ رَبِّكَ ٱلَّذِی خَلَقَ "

2.وقيل إن أول ما أنزل 

" یَـٰۤأَیُّهَا ٱلۡمُدَّثِّرُ "

3.وقيل أول ما أنزل الفاتحة

طيب وبعد ده كله نفهم إيه إن القول الأصح والغالب هي 

" ٱقۡرَأۡ بِٱسۡمِ رَبِّكَ ٱلَّذِی خَلَقَ "

ولكن في معلومة ثانية صغيرة وهي :

إنه قيل أول ما نزل للنبوَّة 

" ٱقۡرَأۡ بِٱسۡمِ رَبِّكَ ٱلَّذِی خَلَقَ "

وأول ما نزل للرسالة 

" یَـٰۤأَیُّهَا ٱلۡمُدَّثِّرُ "

#كل_يوم_معلومة

#بلغوا_عني_ولو_آيه

#رمضان

#كريمة_أحمد

رمضان 9

المعلومة النهاردة 8 

زي ما قولنا دعاء الإستفتاح في الصلاة خلونا بقى نعرف دعاء ما قبل التسليم 

سيدنا النبي عليه أفضل الصلاة والسلام أوصانا بالإستعاذة من 4 أشياء قبل التلسيم 

طب إيه هم ؟

قد قال لأصحابه في الحديث الصحيح: إذا تشهد أحدكم فليستعذ بالله من أربع، يقول: اللهم إني أعوذ بك من عذاب جهنم ومن عذاب القبر ومن فتنة المحيا والممات ومن فتنة المسيح الدجال.

والدعاء بيتقال امتى بالظبط ؟

الدعاء بيكون بعد التشهد الأخير من الصلاة وقبل التسليم مباشرة

طيب هل أقول الدعاء ده في الفرائض بس ولا ممكن النوافل كمان ؟

الدعاء بيتقال في أي صلاة بنصليها سواء فرض أو نافلة أو قيام أو غيره 

يا رب تكون المعلومة مفيدة 

ونسأل اللّٰه أن يجعلها صدقة جارية لي بعد وفاتي 

معلش متأخرة شوية 

بس نسألكم الدعاء 

#كل_يوم_معلومة

#بلغوا_عني_ولو_آيه

#إحياء_لسنة_الرسول_عليه_أفضل_الصلاة_والتسليم

#رمضان

#كريمة_أحمد

رمضان 8

معلومة النهاردة 7 

يا ترى نعرف إن لما نيجي ندخل الصلاة مش بندخل فيها كده مرة واحدة طب إزاي ‼️

ورد عن النبي صلىٰ اللّٰه عليه وسلم 

بعض الأدعية وتسمى بأدعية الأستفتاح 

طب دي بتتقال أمتى ؟ 

بتتقال بعد تكبيرة الإحرام وقبل الفاتحة بالركعة الأولى وبتتقال مرة واحدة بس خلال الفرض الواحد يعني أول ما أدخل في الصلاة بتكبيرة الإحرام أقول الدعاء وبعدين أبدأ بالفاتحة 

طب إيه هو الدعاء ده وصيغته إيه ؟ 

في 3 صيغ وردت عن سيدنا النبي عليه أفضل الصلاة والسلام 

الدعاء الأول ♥️

-اللهم باعد بيني وبين خطاياي كما باعدت بين المشرق والمغرب، اللهم نقني من الخطايا كما ينقى الثوب الأبيض من الدنس، اللهم اغسل خطاياي بالماء والثلج والبَرَد. رواه البخاري ومسلم عن أبي هريرة رضي الله عنه.

الدعاء الثاني ♥️

- وجهت وجهي للذي فطر السماوات والأرض حنيفاً وما أنا من المشركين، إن صلاتي ونسكي ومحياي ومماتي لله رب العالمين، لا شريك له وبذلك أمرت وأنا من المسلمين. ، وفي رواية: وأنا أول المسلمين. رواهما مسلم في صحيحه عن علي رضي الله عنه.

الدعاء الثالث ♥️

- سبحانك اللهم وبحمدك، وتبارك اسمك، وتعالى جدُّك، ولا إله غيرك. رواه مسلم عن عائشة رضي الله عنها.

طيب هو انا لازم أقولهم كلهم أو أحفظهم كلهم ؟ 

هو طبعاً الأفضل إن منقولش دعاء واحد بس وكل مرة هنصلي فيها ننوع بين الأدعية 

يعني كل صلاة نقول واحد منهم بس

طب نعمل إيه ؟ 🤔

ممكن كل فترة نحفظ واحد ونردده لحد ما نحفظه وبعدها أحفظ غيره 😍

دمتم في رعايته اللّٰه وأمنه 💙

#كل_يوم_معلومة

#بلغوا_عني_ولو_آيه

#رمضان

#كريمة_أحمد

رمضان 7

معلومة النهاردة 6 

عارفين إيه هي السنة المؤكدة 

هي السنة إلي الرسول صلىٰ اللّٰه عليه وسلم داوم عليها حتى توفى 

يعني معنى كده إنها حاجة كبيرة ومهمة 

طيب إيه من السنن المؤكدة حاجة خفيفة وجميلة وليها أجر كبير جداً 

صلاة الضحى 

وهي صلاة أوصى بها الرسول عليه افضل الصلاة والسلام بيها الصحابة رضوان اللّٰه عليهم 

معنى كده إنها مهمة وأجرها عظيم 

عَنْ أَبِي ذَرٍّ رضي الله عنه عَنْ النَّبِيِّ صَلَّى اللَّهُ عَلَيْهِ وَسَلَّمَ أَنَّهُ قَالَ : ( يُصْبِحُ عَلَى كُلِّ سُلَامَى مِنْ أَحَدِكُمْ صَدَقَةٌ ، فَكُلُّ تَسْبِيحَةٍ صَدَقَةٌ ، وَكُلُّ تَحْمِيدَةٍ صَدَقَةٌ ، وَكُلُّ تَهْلِيلَةٍ صَدَقَةٌ ، وَكُلُّ تَكْبِيرَةٍ صَدَقَةٌ وَأَمْرٌ بِالْمَعْرُوفِ صَدَقَةٌ ، وَنَهْيٌ عَنْ الْمُنْكَرِ صَدَقَةٌ ، وَيُجْزِئُ مِنْ ذَلِكَ رَكْعَتَانِ يَرْكَعُهُمَا مِنْ الضُّحَى ) رواه مسلم (1181) .

وأقل ركعاتها ركعتين يعني ممكن نزيد على كده اه ممكن نزيد لأنه ثبت عن الرسول عليه الصلاة والسلام إنه صلاها ركعتين وأربع ركعات أو يزيد عنها ولكن بتتصلي إزاي لو هنصلي أكثر من ركعتين هنصلي ركعتان ركعتان 

ووقتها بيبدأ من بعد الشروق بربع ساعة إلى قبل الظهر بربع ساعة

#كل_يوم_معلومة

#بلغوا_عني_ولو_آيه

#رمضان

#كريمة_أحمد

خواطر

أترى ما أحلى الحياة بدون تلفاز 

فإنك عندما لا تشاهده تعيش حياتك أنت وليس حياة الآخرين 

ترىٰ تارة من يعيشون بالمنتجعات والحياة المترفة والرفاهية وسهولة العيش 

وتارة يعتصر قلبك على من هم دون مأوىٰ ولا طعام 

تُرىٰ لو أخذوا من أصحاب الترف والمنتجعات بِضعاً من أموالهم تطهرهم وتزكيهم و يأتوا بها لمن هم دون مأوىٰ وطعام 

فلا ننظر لهؤلاء بتمني العيش والرغد ولا يعتصر قلبك لمن هم تحت الحياة 

فا لا يغرنك طيب عيش المترفين ولا تبكي من أجل من لا تستطيع مساعدته 

لا ترى أحد يسخر من غيره في برامج لكي يكسب المال والشهرة 

ولا ترى من يعرضون الفحش والمحرمات وكأنها شيء يجب العيش معه وتقبله

ولا ترى أخبار زائفة يطمحون أن يغذوا بها عقولنا عن باطل 

ولا أحد يقدر على أن يقوم بغسيل مخ وتسميم أفكارنا

أترى ما أحلى هذه الحياة بدونه ♥️

أليس عيش حياتك أنت أجمل ما يجب أن تعيشه 🤍

تعيش مع أولادك وزوجك مع كتبك وأوقات الراحة التي تصحبها فنجان من القهوة وبعض السكينة والطمأنينة أفضل ☕💙

أن تعيش مع القرآن وإذاعة القرآن الكريم والأصوات الندية التي تقرأ القرآن وترتله وتنسجم وتهدأ روحك أجمل 📿💚

أمن يدعوا مشاعرك للفوران بإنك لا قادر على أن تسعد هؤلاء ولا تكون من هؤلاء المترفين 😐

#خواطر

#كريمة

رمضان 6

المعلومة النهاردة 5

بما إن بكرة الجمعة أو بما إننا خلاص دخلنا في ليلة الجمعة المعلومة متأخرة شوية بس حبيت أخرها عشان تبقى في وقتها 👌🏻

طبعاً كلنا بنحب نحط بخور يوم الجمعة وده من طقوس يوم الجمعة أغلبنا أو معظمنا بيعمله وطبعاً هو جميل وريحته حلوة وكلنا بنحبه 📿😍

بس في رمضان بقى البخور ليه شكل ثاني 

إزاي بقى ؟

هل تعرفوا إن البخور من المفطرات ‼️

مفطرات إزاي بس 

طبعاً هو لو قليل منه دخل الأنف والحلق وغصب عننا مش هنكون فطرنا 

بس لو دخل من دخان البخور كمية كبيرة الأنف والحلق ودخل الجوف يبقى مفطر 

وكمان لو حد مننا شمه متعمداً ومعتبره مثل الروائح أو الورد 🌸🌷🌹 فا ده بردو مفطر 

طيب نعمل إيه ؟ 🤔

الأفضل لينا خلال شهر رمضان ما نشغلش بخور عشان ما نضيعش صيامنا وطبعاً ده ينطبق على أي يوم انا صايم فيه حتى لو مش في رمضان 

دمتم محافظين على صيامكم 🌙🌟🤎

ودمتم للّٰه كما يُحب ويرضى ♥️

#كل_يوم_معلومة

#رمضان

#كريمة

رمضان 5

معلومة النهاردة 4 

يا ترى نعرف إن في حاجة إسمها فجر كاذب وفجر صادق ‼️

طب إيه هو الفجر الكاذب والفجر الصادق ؟ 🤔

تعالوا بينا ناخد رحلة بسيطة من غير تفاصيل وتقعيد ومعلومة خفيفة 👇🏻

دلوقتي في وقت بيظهر فيه ضوء في السماء والضوء ده بيكون مش هو وقت الفجر الحقيقي وبالتالي مينفعش أصلي فيه

وبعدها بشوية بحوالي 20 أو 30 دقيقة بيظهر ضوء ثاني هنا بقى الوقت ده بيكون الصلاة فيه صحيحه

طب انا مالي ومال الكلام ده يا سيدتي مش فاهم 😕

أصبر بس حالاً هقولك 😁

الرسول عليه الصلاة والسلام قال إن الفجر فجران 

طب يعني انا أصلي أمتى هقولك دلوقتي 🤌🏻

إحنا هنشوف الآذان بيأذن أمتى وهنستني بالظبط من 20 ل 30 دقيقة وبعدها هنصلي وبكده هنكون صلينا في الوقت المظبوط لأن من شروط الصلاة حضور وقتها وانا لو صليت وقت الآذان هيكون في الوقت ده الفجر الحقيقي مجاش وبالتالي هيكون وقت الصلاة لم يحضر فكأني مصلتش أصلاً ولذلك هتلاقي معظم المساجد بتأخر إقامة صلاة الفجر إلى بعد 20 أو 30 دقيقة 😊

#كل_يوم_معلومة

#رمضان

#كريمة